Choose language:

Witamy na stronach internetowych miasta Bytom
20 listopada 2017, Edyta, Edmund, Anatol

Mapa miasta Kontakt Dla mediów Druki Związek Subregionu Centralnego

Skarbnik, górnik i piętok

Data publikacji: 10 grudnia 2013



Jedyn Bergman był bardzo biydny, a nie móg nigdy piyniyndzy zarobić; i dali go ekstra na przodek robić samego. On się strasznie frasował i Pana Boga prosiył, jako łón tyz co urobi. W tym przyszoł Skarbnik do niego i powiado mu:

- Co się tak frasujesz, chopie.
- Bo jo móm bardzo wielko biyda, a nigdy nie mogą piyniyndzy zarobić.
A on mu, tyn Skarbnik, powiado:
- Niy starej się, od dzisiejszego dnia nic nie rób, a przed odbiyrką roboty to jo się u ciebie znojda.
I potym przyszoł do niego i pocis mu w przodku, wiela mu trza było roboty i pedzio mu tak:
Jak przidzie sztajger, nic niy godej, yno czekaj ażeby ci ta cołko robota odebrał. I potym przyszło na ta odbierka i sztygar dziwioł się, ale mu ta robota odebroł. I ten Skarbnik przyszoł do niego i pedzio mu:
- I odebrali ci robota rychtyk?
A ón powiedział – ja!
- A na geldtag pojedziesz z karą po pieniądze i przywieziesz je na szyb, bo kiejmy oba pracowali, to oba bydymy brać ten geldtag.
I siedli się nad szybem, tam to te pieniądze tajlowali. Ostawało jeszcze piętok tych piyniyndzy, więc powiado mu Skarbnik:
- Musisz mi pedzieć komu się tyn piętok należy, tobie abo mie?
A on powiado:
- Tobie bracie, boś ty wiyncyj robiył.
I wtedy doł mu te wszystkie pieniądze tyn Skarbnik i powiedział mu:
- Mosz szczynście, iżeś tak powiedział, bo kiebyś powiedzioł, że się tobie należy, tobyś był do tego szybu spod i byś był się zabiył. Na śmierć!

[Skromny: Legendy i podania górnośląskie, s. 359; Ligęza J.: Podania górnicze z Górnego Śląska, s. 84. Motyw Skarbnika dzielącego się wypłatą z górnikiem szeroko znany i w różnych wersjach wielokrotnie publikowany. Zobacz: Ligęza J.: Podania…, s. 86-87, 91-92; Perlick A.: Sagen des Dorfes Rokittnitz, Beuthen 1926, s. 15-16; Szczech B.: Zabrzańskie legendy i podania, Bytom 1998, s. 23]




Nasz serwis używa informacji zapisanych za pomocą cookies w celach statystycznych oraz w celu dostosowania serwisu do indywidualnych potrzeb użytkowników.
W przeglądarce internetowej możesz zmienić ustawienia dotyczące cookies. Dowiedz się więcej na stronie polityka prywatności.