Choose language:

Witamy na stronach internetowych miasta Bytom
16 października 2018, Florentyny, Ambrozego, Gawla

Mapa miasta Kontakt Dla mediów Druki Związek Subregionu Centralnego

Duch czy koń

Data publikacji: 10 grudnia 2013



Jak mi było 29 lot, toch jesce robiył na „Florentynie” za hajera. Miołech na noc. Chodziyli my z kolegami do szramu. Roz prziśli my, jak zwycajnie na gruba, zjechali my na dół, zapli my kapa i dali my się do kopanio.

Mój kolega niy móg dzisioj kopać, bo go kciuk boloł i poszoł do dóm. Kopia tak som ze dwie godziny i wroz słysa, ize idzie kóń. Niy łoglondom się ino słychać jako trzasko kopytóma po sztangach. Prziszoł fórt wele mie, aż na koniec glajzu. Postoł chwila, łobróciył się i polecioł nazod. Za jakie 5 minut leci drugi roz. Teroz mie już strach zebroł. Niy łoglondóm się jesce, ino pociyrz rzykom, a kopia coroz bardzi. Kóń zaś przilecioł, postoł i uciyk nazod. Polecioł aż na koniec sztreki. Zaś się łobróciył i leci trzeci roz. Jo rzykom pociyrz dali, kopia aż się leje zy mie, a ze strachu, to jużech jest cały struchlały.
Jak przilecioł trzeci roz, toch pociep kilof, wzión karbidka i uciekóm wiela ino wykopać umia. Poszołech do kolegów, co robiyli na drugi sztrece i tam przesiedziołech do rana. Niy wiym, jeśli to był kóń, abo co inksze, boch niy mioł odwagi się łobrócić.

[„Zarania Śląskie” R. 1932 z. 2, s. 12; Ligęza J.: Podania górnicze z Górnego Śląska, Bytom 1972, s. 114-115]




Nasz serwis używa informacji zapisanych za pomocą cookies w celach statystycznych oraz w celu dostosowania serwisu do indywidualnych potrzeb użytkowników.
W przeglądarce internetowej możesz zmienić ustawienia dotyczące cookies. Dowiedz się więcej na stronie polityka prywatności.